賓菲加就住踢捧細盤

猪拉多纳

下周中歐聯戰火重燃，提防豪門聯賽留力，特別係葡超賓菲加喺歐聯分組賽瀕臨出局，下仗鬥摩納哥非勝不可。賓菲加今晚葡超主場對里奧艾維，好可能就住踢，不宜高估。里奧艾維近期對住賓軍表現唔失禮，最多小負，入球大細中位數2.5/3球，阿King要入球細。

（now 676周六凌晨3時45分直播）

賓菲加喺歐聯分組賽3戰僅得1分排包尾，如果下輪贏唔到摩納哥，晉級機會非常渺茫。因此球隊應會集中力量準備呢場生死戰。事實上喺葡超能夠同賓菲加拗手瓜嘅球隊唔多，佢哋就算萬一失分都仲有大把機會追，今場好可能領先後即歎慢板。里奧艾維喺季前超級盃同賓菲加打和0比0，最終互射12碼僅敗，里軍自知實力同對手有距離，都會以穩守行先，博攞1分，入波唔慌多。
柏林聯主場掃「雷」

德乙榜首之戰，杜塞爾多夫主場對恩高斯達特，杜軍首席射手賓斯卓普患感冒，上陣成疑，難免削弱球隊入波能力。恩高斯達特「煲魚生粥」，連續4場小勝1比0，戰術甚為保守，似開細格局。另一場兩連勝嘅柏林聯主場對傷停問題嚴重嘅格雷特霍夫，平手盤要主隊。