(六)67 羅連安特 Vs 巴黎聖日耳門

猪拉多纳

法甲直播巴黎聖日耳門作客對羅連安特，羅連安特今季五場主場聯賽只係贏過包尾大幡甘岡，其餘四戰一和三負，而且全部冇入波。聖日耳門下周雖有歐聯後顧，不過下輪聯賽佢哋將於主場迎戰爭標勁敵馬賽，係收窄目前彼此四分差距嘅好時機。瑞典前鋒伊巴謙莫域傷愈未明，未知能否趕及披甲，不過阿根廷鋒將拿維斯上場傷愈復出兼有士哥，加上巴西快翼盧卡斯洛迪古斯腳風亦順，客W仍值睇好。

（now 714及TVB 302周日凌晨零時直播）