禾堡當旺作客強搶史特加

猪拉多纳

今季歐洲賽各大聯賽出現唔少異軍，英超修咸頓、德甲禾夫斯堡、西甲西維爾、意甲森多利亞。呢類球隊喺季初憑一股蠻勁，製造驚喜，但下半季好大機會走樣，趁今年結束前，仲有尾水可以搵到食，今周首選推介德甲禾夫斯堡作客史特加，禾堡小讓平半，上盤要得過。

（有線64及203台周六晚10時30分直播）

禾夫斯堡前幾年出售多位主力，令成績大倒退，慶幸會方終於醒覺，陸續簽入高質素球員，效果立竿見影。禾堡今季愈戰愈勇，已殺上前三，包括盃賽，仲連贏5場，開始獲莊家調升評級，今仗要讓波有道理。史特加防守曳，近3仗共失10球，上仗贏波有運，今次遇上真材實料嘅禾夫斯堡，睇怕冇得再咁好彩。

英超修咸頓亦相當弗，呢隊波幾位中前球員配合出色，成績好、入波多，有姿態有實際，今輪作客侯城，理論上可以秤先。不過侯城亦好難纏，無懼同修咸頓火併，要入球大。另外，西甲皇馬近期走勢的確凌厲，頻頻大炒對手，但要留意下周中有歐聯後顧，今仗西甲作客CF格蘭納達，未必去盡。莊家普遍開緊皇馬讓兩球、兩球半，上盤唔值博，博下盤及入球大。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！