亞洲橙王新季當造

不死鸟

昨日講馬主要對練馬師有信任及有耐性方可達到贏取頭馬目標，「百威紀錄」馬主吳世振先生等?兩季終於修成正果贏取頭馬開心一番。而今日講?「亞洲橙王」（上圖），馬主唐宏洲先生更要等?差不多3季才有頭馬見面，所以話呢！只要馬主肯信任練馬師及有耐性的話，而自己?愛駒唔係庸材，贏取頭馬只係時間問題。
回說「亞洲橙王」上季能夠接近季尾時段交出優異表現，練者霍利時花盡心機居功至偉，而馬主唐生雖然要等到差不多3季，才見到愛駒有此出色表現，但他亦對傳媒記者公開感激練者?功勞，由此可見兩者互相信任。
「亞洲橙王」未開竅贏馬之前，陣上成日都係虎頭蛇尾，有此現象明顯是馬兒成熟不足以致口勁重，但經過霍利時一番調校，加上馬兒日趨成熟，口勁收歛隨即交出成績。睇番總場次522谷草1200米得第二，該役「亞洲橙王」因起步挨閘迫使韋達留住鬥後勁，反而因此悟出後上威力原來加倍強勁，而之後兩仗谷草1200米贏馬沿用留前鬥後跑法，錄得兩連勝之餘，其中一仗並且在直路上交出末段22秒60高速反先對手掄元，顯然經過霍利時重新打造，轉型後威力的確非同凡響，5歲仔正值壯年，目前評58分居四班有利可圖，谷草4班短途能者不多，以此駒上季在谷草1200米連續創出佳績，堪稱谷中谷短途翹楚，今季續向谷中短途進軍，必可繼續反彈增添頭馬進帳。