維拉利爾大炮 圍攻腳軟華倫

猪拉多纳

（日）31 維拉利爾 Vs 華倫西亞烏捷
杜斯當弗大把架生

西甲今晚有場唔錯嘅戲碼，由維拉利爾主場火併華倫西亞。維拉利爾聯賽排名唔及華倫，但「黃色潛艇」嘅主場戰績其實並唔失禮，淨係輸過畀兩大豪門皇馬同巴塞；「蝙蝠軍團」雖然有一定實力，可惜作客表現只係麻麻地，呢場勢均力敵嘅對決，梗係撐坐擁主場之利嘅維拉利爾啦！ （now632台周一凌晨0:00直播）

連埋西甲及歐霸盃在內，維拉利爾今季主場戰績為5勝2負，兩場敗仗分別係喺西甲不敵巴塞0:1同皇馬0:2，雖然唔能夠令兩大豪門失分，但睇番戰情其實互有攻守，如果把握力好啲嘅話，相信戰果已經改寫啦！
華倫作客大走樣

烏捷同韋圖作為「黃色潛艇」入球泉源，兩人近期狀態都幾弗，近3場波聯手貢獻4球，進攻火力夠晒保證。上輪喺完場前犯天條，累球隊全失3分嘅墨西哥國腳杜斯山度士，家陣谷埋一肚火，今場勢必搏盡將功補過，力爭個人今季聯賽首個「士哥」。

華倫西亞暫列聯賽第4位，主要多得5戰全勝嘅主場靚績，可惜佢哋作客嘅表現相當飄忽，4戰僅錄得1勝2和1負，早前造訪實力平庸嘅拉科魯尼亞，估唔到竟然淨吞3蛋，跌到通地眼鏡碎。雖然張峰唔睇好「蝙蝠軍團」有分落袋，但佢哋條前線都值得一讚，柏利祖、柏高艾卡沙今季「大活躍」，今鋪即使輸都應該破到蛋嘅，玩維拉利爾個1.95倍主勝之餘，1.8倍入球大亦值得兼顧。
盤路解碼

維拉利爾近23戰西甲主場開出15單8雙，入球單比率高達65%。