紅牛發癲撞散華盛頓

猪拉多纳

美季後 5:00 （日）61紐約紅牛 Vs 華盛頓聯隊

聽朝上演東岸4強首回合賽事，由紐約紅牛主場恭候華盛頓聯隊。紅牛主場威力十足，射手巴利胡禮菲臘斯又當弗，有力先下一城，1.82倍主勝係不二之選。

紅牛上仗喺淘汰圈主場以2:1擊退肯薩斯體育會躋身4強，計落佢哋近10戰喺地頭出戰，足足贏咗9次咁多。就連常規賽盟主西雅圖海灣者嚟到都要輸鑊甘，以1:4慘敗而回，足見紅牛喺主場的確踢高一班波。

再者，紅牛主力射手巴利胡禮菲臘斯狀態弗到漏，呢位喺今季攻入27球、追平美職常規賽入波紀錄嘅射手已經連續2場轟入2粒，真係勒都勒唔住，配合埋前鋒亨利（圖左）、中場卡希爾等經驗豐富嘅戰將，想要華盛頓聯隊連續3次敗走紐約唔難囉。