車仔讓得辣小心中伏

猪拉多纳

上輪E至H組歐聯8場波，合共炮製咗40個士哥，仲有4場開出「其他」波膽，破晒歐聯單日賽事紀錄，唔單止鍾意睇入球騷嘅球迷過足癮，大盤客係咁入貨同樣賺到盆滿缽滿，呢16隊今晚主客互調再鬥過，投X者隨時畀上輪嘅「偶然性Goal峰」所誤導，盲目追捧上盤球隊可大炒而中伏。好似英超一哥車路士作客斯洛文尼亞球隊馬里博爾，客軍讓得太辣，下盤值得留意。

（有線64及203台周四凌晨3時45分直播）
莫帥作風只求三分

雖然兩周前交手車仔主場先派咗6蛋，但主帥莫連奴不嬲都小心使得萬年船，通常「主場谷、作客縮」，早前喺次輪客場對士砵亭嗰陣，成班「車手」不斷錯失突擊良機，最終煲魚生粥僅勝1粒有辦你睇。況且王牌射手迪亞高哥斯達好番冇耐未上力，唔排除莫帥又玩贏波至上、不求大勝嘅策略，睇番車仔近兩仗對住弱旅梳士貝利及昆士柏流浪，全部都贏波輸盤，今仗作客馬里博爾仲要讓到球半／兩球咁辣，寧捧下盤好過。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！