(六)19 韋斯咸 Vs 阿士東維拉

猪拉多纳

黑到冇人有嘅阿士東維拉，今晚英超作客硬淨到暈嘅「錘仔幫」韋斯咸，雖然連輸6場嘅維拉，對手不乏阿仙奴、曼城、車仔等勁旅，但屢戰屢敗令佢哋士氣跌落谷底，好似上仗對熱刺大部分時間領先下，因為中鋒賓迪基不智地領紅牌，導致完場前6分鐘連失兩粒連1分都不保，都咪話唔洩氣呀，今仗於賓迪基坐波監、中場核心戴爾夫續抖下形勢不妙。相反，韋斯咸上仗落後兩粒下靠翼鋒達寧一傳一射逼和史篤城，大大振奮軍心，加上之前連續6仗有士哥嘅韋斯咸前鋒迪亞法沙高，有望傷愈復出，仲唔趁機追打落水狗維拉咩，主勝咪錯過。

（now 623周六晚11時直播）