教練執正防線 獅吼放手攻「城」求開齋

猪拉多纳

澳職其中一場有布里斯班獅吼主場迎戰墨爾本城。「獅吼」喺開咧之後三戰全敗排包尾，而改組後嘅墨爾本城亦唔見得有幾勁，踢咗4場聯賽都重未打開勝利之門，畀人感覺係「雷聲大、雨點小」。「獅吼」教練梅維爾話今場會改革重整防線，有望喺主場開齋，1.8倍主W可以試一試！

（有線64及203周六下午4:30直播）

獅吼球員休息充足

「獅吼」今季唔知點解「吼」唔響喎，連輸3場之後，上星期藉住西悉尼流浪者要去踢亞冠盃得以輪空，可能咁歇一歇，隊波有時間同空間休息同檢討吓啦！教練梅維爾亦透露，呢場會收起客串踢右閘嘅占士當拿治，用番正宗右閘軒基特做正選，相信後防經過呢輪調動執位，「獅吼」可以踢番出上季「主場王」嘅水準啦。

墨爾本城開季前多多動作，最勁就係搵咗「星級借將」韋拿過嚟幫手，呢位西班牙超級射手都演出功架，4場入2球，不過佢哋始終1場都贏唔出啫！依家借用期滿，冇埋韋拿，墨爾本城前景似乎更加黯淡。有消息話球會高層仍然想斟韋拿下個月再次借用加盟，但係弊在家吓隊波嘅信心已經削弱咗呢！而且從幾次直播所見，呢隊波上半場就威威，下半場走晒樣，狀態咁唔穩定，今場作客想攞分都唔易囉！
頂占筍盤：布里斯班獅吼（主勝）