喜勁飛方興未艾

不死鸟

賀賢來港開倉時同樣叫人萬眾期待，但練了幾季後發覺有點名大於實，翻查前季賀賢贏40場，但剛季佢成績大幅回落只取得27場頭馬，表現真係有點失望，擺到明因為旗下馬搏得太多，以致評分高企，搞到上季成績咁曳，經過一季回氣後，敢信呢個倉會反彈，大家不妨秤先佢啲馬。
回顧賀賢上季各項路程成績，主要以田草為主，合共取得17場頭馬，佔去總頭馬數字的大部份，至於谷草亦佔10場，相反泥地就慘不忍睹，只得2亞5季，由此可見旗下馬匹跑泥地認真麻麻。綜觀賀賢依家手上子彈甚多，贏超過30場應無問題，其中匹質新馬「喜勁飛」最有機會扶搖直上，呢匹3歲仔第二仗已贏一哩，竟可拋離實力不弱的「不言而喻」，反映評61分大把上升空間。