泥地勿亂捧韋達

不死鸟

近幾季相信無乜人會懷疑韋達贏唔贏到冠軍騎師，大家可能只會諗到佢究竟可以贏幾多場，而呢位9屆冠軍騎師已經雄霸本港馬圈多年，論騎功佢係咪最好就真係見仁見智，站在筆者立場，覺得他的騎功只係中上級數，但陣上走位真係幾醒目，除此之外，他的交際手腕亦是相當出眾，如果唔係邊有咁多人搵佢騎馬呢！
查前季韋達總共贏111場頭馬，數字真係相當驚人，上季成績稍稍倒退勝出96場溫拿，但已經大幅拋離第二位的柏寶17場，一早已穩奪冠軍，真係可以話無敵。
另外，韋達響上季的最受歡迎騎師方面亦力壓宿敵柏寶，可以話雙喜臨門。
查上季韋達各項路程成績，大部份頭馬都係來自草地，但他的泥地戰績就認真一般，全季只錄得2贏14位，整體成績比起牌仔梁家俊仲要差，不過深信佢應該唔會唔擅長跑泥地，可能係座騎實力關係，來季希望他的泥地成績會有好轉。