加州滿意高度重視

不死鸟

每個馬季賽事完結後，馬會賽事部評磅員會來個暑期總評分，對於剛季表現唔好的馬匹會作出相應減分，筆者睇過今次總評分後，從中看到倪端，作為新季重點捧場。
今次首匹要提及告東尼馬房的「加州滿意」，此駒被評磅員評82分，係近7年來暑期總評分最高新馬，亦平咗01至02年度亦評82分的「步步速」。翻查近7季暑期評分最高新馬，在接�粢患揪�有頭馬交出，譬如上季的「金津好」及「家家興旺」同評最高之63分，結果「金津好」取得兩冠，而「家家興旺」更取得3冠1亞1季佳績，由此可見，此類被評磅員評最高分新馬來季係有加倍留意必要。
「加州滿意」是匹有質素馬匹毋庸置疑，睇番上季獲得3冠1季佳績可印證，兩戰新馬賽贏來兵不血刃，縱使編入3班賽初與舊馬對陣亦表現出色，首戰3班賽拚入第三，只係輸在經驗不足而已，但跑完該仗後，相隔3周強配柏寶，以無敵姿態輕易取勝，可見實力強勁，而跟住出戰新馬短途錦標，賽前騎練及幕後均充滿信心可以奪標，可惜事與願違大熱倒灶，賽後獸醫檢查，內窺鏡顯示牠氣管內有很多膿痰，落敗與實力無關，預計新季更為成熟的牠可更上一層樓，值得高度重視。