弗賴堡火力曳 冇優細

猪拉多纳

史特加救世主出山隨時有計

救世主回歸拯救史特加！荷蘭教頭史提芬斯喺上季臨危受命，帶領當時備受降班威脅嘅史特加打護級戰，最終佢亦完成使命。可惜史特加今季繼續沉淪，呢支德甲包尾大幡早前決定再向救世主求救！今晚史特加造訪主場入球能力麻麻嘅弗賴堡，相信史提芬斯都係穩守行先博攞1分止血，1.95倍入球細抵玩。

（有線61及201周六凌晨3:30直播）

貴為06/07球季嘅德甲盟主，史特加近年莫講話挑戰歐洲賽，就連護級都開始成問題。佢哋今季12戰得9分，創下該隊近40年嚟最差開季成績。踢到咁曳，主帥艾明費都自動請辭，等球會另選賢明領軍逃出生天，結果史特加搵嚟上季嘅護級功臣史提芬斯重掌帥印，呢位60歲教練決定再度出山後，成班球員隨即表示歡迎，軍心好轉自然有助發揮啦！
主場5戰僅1勝 平均入1球難大炒

雖然士氣唔成問題，但史特加依然有主力射手伊比斯域未好番，右閘舒華比又要停賽，難怪史提芬斯坦承今戰難度唔細。值得留意嘅係呢位教頭上季接手後，5場作客賽事都未試過失多過2球兼全開入球細，相信史特加今晚都會繼續專注防守，先搶1分止血避免4連敗。

另邊廂主隊弗賴堡近4仗取得3勝1和不敗戰績，聯賽亦攀升至14位暫離降班區域。齋睇近況的確好過史特加，之但係呢班波嘅主場成績唔算好，今季5次主場出擊僅得1勝，場均亦只係入得1球咁多，咁嘅火力好難炒起史特加啫！