費利拿當弗打謝艾斯杜尼

猪拉多纳

今日受注賽事主要都係二線波，阿King睇中咗葡超嘅費利拿主場對艾斯杜尼，費利拿近8場贏咗6場，當中包括上周葡盃大勝里查琛斯競技9比0，狀態同士氣都正處頂峰，相反艾斯杜尼喺上周中歐霸盃惡鬥完燕豪芬，今場再作客費利拿恐怕回唔切氣，主勝值得捧場。

（周二凌晨4時開賽）

好多非一線球隊都會應付唔到聯賽、盃賽、歐洲賽幾條戰線，今季嘅艾斯杜尼就係咁，佢哋上季排第4，獲今屆歐霸盃參賽資格，結果球隊今季聯賽成績下滑，依家喺葡超排喺第12位，踢咗10場波僅得兩勝，認真濕滯。艾斯杜尼近8仗只係贏咗1場咁大把，包括上周中歐霸盃同燕豪芬激戰一輪後打和3比3，仲要係畀對手臨完場逼和，未能以一場勝利振奮士氣，體力亦比抖足成個禮拜嘅費利拿輸蝕，今場受讓都制唔過，捧主勝﹗
南錫反彈撐主W

另外仲有場法乙獨腳戲南錫主場迎戰華倫西恩斯都值得跟進，南錫上場不敵爭升班勁旅之一嘅特魯瓦，輸波情有可原，今場對住作客一般嘅華倫西恩斯有力反彈，主勝捧得過。最後阿King揀埋智甲嘅艾斯賓路拿主場對柏利斯天奴，柏利斯天奴近況不俗，近5戰4勝1和，今場受讓值捧。