里昂半場速決蘭斯

猪拉多纳

連場失分 急求反彈

法甲褪色班霸里昂今季默默起革命，重新成為爭標分子，主場近9成勝出率，正係王朝復蘇嘅最大關鍵。里昂經過連續兩場作客失分後，今場終於返主場鬥蘭斯，谷埋一肚氣，勢必趁有地利反彈，務求重振軍心。里昂教練科尼亞屬倒戈身份，對蘭斯實力瞭若指掌，相信可以迅速解決對手，阿King睇好里昂上半場已可領先，1.85倍半場主勝穩陣。

（TVB 302周五凌晨4時直播）

里昂季前撬走蘭斯主帥科尼亞領軍，本來冇乜人睇好，但開季後效果令人驚喜，唔經唔覺殺上前3位，就算最終捧唔到盃，但相信重返歐聯機會仍然樂觀。里昂喺科尼亞帶領下，主場成績大為改善，聯賽主場8戰獲7勝1負，同榜首馬賽睇齊。難怪里昂即使近兩仗冇波入，上仗更吞聖伊天3蛋，但今仗主Ｗ仍熱爆至1.37倍，可見備受莊家睇好。里昂近5次主場出擊，有4次半場領先，半場勝有分頭，值得一試。

里昂另一大優勢係科尼亞曾執教蘭斯4年，一手帶領球隊升上法甲，蘭斯有幾多斤兩、強項弱點，都呃唔到科尼亞，恐怕呢位「乖仔」今場睇怕束手就擒。
莫耶斯做「多」齣好戲

至於西班牙盃第4圈首回合方面，莫耶斯執教皇家蘇斯達後，表現有板有眼，上仗西甲大勝艾爾切3球，莫帥更取得西甲首捷。「莫天才」初到貴境，當然要盡量做多幾齣好戲，鞏固帥位，今仗作客絕對唔會放過丙組仔奧維多，直取讓球客勝。另一場兩支西甲球隊硬碰，華歷簡奴主場對華倫西亞，華歷簡奴回勇，兩連勝兼不失，受讓值博。