愛斯賓奴打吡戰有驚喜

猪拉多纳

同市打吡戰最考起操盤手開盤，表面上兩隊實力懸殊，但踢落往往係另一回事，事關歷史、政治、文化等難以量化嘅複雜因素喺打吡戰，發揮影響力特別大，被睇淡一方好多時會踢爭氣波，表現出超水準，令人大跌眼鏡。西甲巴市打吡，巴塞隆拿主場對愛斯賓奴，普遍莊家開出巴塞讓兩球或以上，有高估成分，寧博愛斯賓奴下盤。

（now 632周一凌晨零時直播）
巴塞留力歐聯砌PSG

愛斯賓奴係第一支由西班牙人建立嘅球隊，球迷一直視由瑞士人建立嘅巴塞為「外國球隊」，對住「外敵」當然特別落力。因此，巴塞人腳質素雖然遠勝愛斯賓奴，但過往交鋒亦未見有太大優勢，雙方上季兩循環交手，巴塞都只係小勝1比0。

巴塞周中歐聯將硬撼巴黎聖日耳門（PSG），雖然兩隊都已獲出線權，但巴塞仲想爭小組首名，以便十六強避開其他小組首名勁旅。巴塞有後顧之憂下，唔會浪費氣力大炒對手。愛斯賓奴兩連勝愈來愈順，未必冇得打。

另外，皇家蘇斯達由莫耶斯執教後防守明顯穩陣，作客鬥維拉利爾獲受讓半一，要下盤。意甲AC米蘭近六仗聯賽僅一勝，作客讓唔起熱拿亞平半。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！