K384一哩「包」掂

不死鸟

至截稿前K384仍未有名，但可以告訴大家，這馬與「包裝大師」同主，屬於「包裝」系龍頭人物李運強名下，響新西蘭已屬李氏家族擁有，英文馬名為Packing Hero，照譯就是「包裝英雄」，可是這中文馬名近年已用過，肯定不可重覆，弄到馬主仍在費煞思量。
將注意力放番響匹馬身上，在紐上陣3次，初出於1200米跑第四，翌仗增跑至1400米，16駒競逐得第七，見表現不進反退，於是收埋多加琢磨，5個月後復出果然奏效，於1400米險勝而回。血緣方面，其父No Excuse Needed在英4捷於1400及一哩，包括二、三級賽，2003年起在紐配種，子嗣中有匹馬后級分子Daffodil，囊括新西蘭一千堅尼和澳洲橡樹兩項一級賽冠軍，為此父系打響名堂。生母源自Centaine，上陣兩次無功，產下6胎出賽，4駒已獲勝，性能多取決於父系，相信K384應像同父?「大隊長」和「歡騰」，跑1400、一哩最正宗，現評66分或會嫌高，以方嘉柏一貫手法唔會逼牠太緊，會按部就班，等適當時候才爭功，縱見上陣都係睇定先。