王志偉短途最耍家

不死鸟

另一華籍大師傅王志偉出道日子不短，做見習騎師時候跟隨葉楚航，到現在升正仍以呢個倉為基地，但講真呢個後生仔成績一向浮浮沉沉冇乜大起跌，鞍上的造詣仍見不到有甚麼大突破，因此成績一向唔起眼，就以上季為例，王志偉只贏得10場頭馬，總出賽次數只有275場，可見支持一般，頭馬數字當然較少。
回顧王志偉剛季戰績，發覺他在谷草及泥地各贏兩場，但在田草就是他的福地，總共交出6場頭馬，可能場地闊所以較易發揮，而所贏路程全為一哩或以下路程，反映捧佢場都係以中短途為主。王志偉以葉楚航馬房為基地，剛季有8場頭馬來自此倉，另外兩場皆來自告達理，反映大告頗為賞識他，新季相信會更加重用王志偉。