馬來虎受讓發威

猪拉多纳

賭波要識計 墨爾本城失星閉翳

好高興同各位《太陽報》讀者見面，如果你問足球菠菜最重要係咩，當然係「回報」，但要達到呢個目的，必須反覆辨證，不斷裝備自己，先可更上一層樓。本欄希望提供推介之餘，亦可刺激到大家菠菜思維，以唔同角度分析，提升菠菜技巧及潛能。今日頭炮係東南亞錦標賽決賽次回合，馬來西亞對泰國，捧1.72倍「讓球主勝」。

（now670台周六晚8:00直播）

如果以波論波，泰國一定係秤先，但緊記今場為次回合，首回合領先兩球嘅泰國今場根本冇需要贏，連泰國領隊基亞迪沙克亦講明今仗「安全」至上，「抑制進攻本能」，潛台詞即係最緊要袋走2,000萬泰銖（約472萬港元）捧盃獎金，即使泰國今場輸波捧盃又真係Who Cares？更何況泰國今場要讓波！單係呢個Point其實已好硬淨。
泰國2球喺手輸都捧盃

睇往績馬來西亞亦佔盡優勢，近16次主場對泰國保持10勝6和不敗，對上一次主場輸畀泰國已經係43年前，若主場坐爆9萬幾人客軍都咪話唔腳軟，加上馬來西亞特性係愈被睇淡愈有貨賣，2010年一屆就試過爆大冷封王，上圈亦係劣勢下反勝越南晉級，綜合各點「馬來虎」值得支持。

另一場澳職墨爾本市打吡就睇好墨爾本勝利，墨爾本城今季畀曼城班主文梳亞收購，請嚟多位巨星兼拉隊到英國集訓，外界本來抱極大期望。但韋拿早走、長人約舒亞堅尼地又未出得，杜夫同米拿因傷缺陣，高漢傷患纏身，冇晒呢幾位主將星味欠奉，難怪成績低落僅排第7，巨星政策唔單止冇帶來好成績，更被球迷批評為短視及影響更衣室氣氛，相信墨爾本城呢幾年都要畀勝利食住。
墨爾本打吡勝利威慣

不過墨爾本城最錯唔係行巨星政策，而係搵番前教練施基普執教，如果佢真係咁好，咁點解當初又要炒佢？可見球隊管理同思維係有問題。值得留意係墨爾本城今仗雖為主場，但勝利亦經常喺AAMI公園舉行主場賽事，所以勝利坐擁半個主場，小讓平半非常值博。其實首循環勝利大勝5:2，已反映出兩隊實力有頗大差距，實在睇唔出短期內兩隊再交鋒會有重大轉變。
樂比推介

馬來西亞「讓球主勝」、墨爾本勝利（上盤）

資深足球菠菜專家