弗賴堡漢諾威大戲埋年

猪拉多纳

2014年最後一場德甲，由陷於護級深淵嘅弗賴堡主場對漢諾威，主隊形勢凶險遇上實力唔算強嘅對手必須搶攻求三分，客軍亦攻強守弱，相信會以一場大戲埋年，吼1.8倍大盤。

（有線61及64台周一凌晨零時30分直播）

弗賴堡今季一如以往，季前被撬走主力，務實教練施特拉希要重新訓練一班新兵，班波質素麻麻，尤其防線不穩，全靠教頭功力，原本去到十月底已經開始上力，但近期又受到傷兵問題困擾，已經五輪不勝，積分榜又再跌落降級區，今晚主場踢埋年戰，趁對手唔算強，必定全力求勝，施特拉希賽前收到喜訊，中場大將拿芬舒密特傷愈復出，佢喺球隊主力得分手之一，更添搶攻信心。
漢諾威要積穀防飢

漢諾威喺少帥泰阿芬哥古特帶領下亦喜踢進攻足球，皆因防線根本冇穩守本錢，前線史甸度、祖斯盧辛馬田同清武弘嗣都好弗，上仗佢哋主場贏奧格斯堡，對方射極唔入好有運，今仗恐難保不失，佢哋陣中後衞沙夫辛尼同中場清武弘嗣，嚟緊分別要代表塞內加爾同日本踢非洲國家盃與亞洲盃，部分冬訓同次循環早段比賽都要缺席，當然要趁今仗人齊攞分積穀防飢！