波爾多博反彈強攻里昂

猪拉多纳

今周法甲壓軸戰由波爾多主場鬥里昂，兩軍上周同在法聯盃十六強激戰至互射十二碼階段被淘汰出局，今場哀兵相遇開出平手盤，波童捧今季主場聯賽未輸過嘅波爾多可反彈成功。

（TVB 302周一凌晨4時直播）

兩軍上周同在法聯盃十六強和對手激戰一百二十分鐘，結果最終都喺互射十二碼階段落敗；波爾多不敵里爾，里昂就輸畀摩納哥，彼此對手實力都唔弱，所付出體力應不相伯仲。波爾多今季聯賽八次主場出擊未輸過，取得六勝兩和佳績，而且場場都有入波，前鋒迪亞比堤、迪亞高洛蘭今仗都可候命，攻力有保證。

里昂今季雖然都有復甦迹象，不過作客表現始終冇主場咁穩定，八場聯賽只得兩勝三和三負，所贏兩仗都係要靠完場前入波才險勝對手，贏波有點幸運成分，今次面對實力相若嘅波爾多未必咁好彩，平手盤捧波爾多。