車仔踩行油撞散錘仔幫

猪拉多纳

寸王領軍打吡特醒！

車路士早前被紐卡素打破英超「不敗之身」，好在之後連盃賽近4場都能夠贏波，極速反彈。今仗佢哋會喺主場迎戰韋斯咸，後者今季表現令人眼前一亮，可惜車仔實力非「錘仔幫」可比，睇番佢哋近10場主場都未輸過，今場一於撐1.8倍嘅「讓主」！

（now621台周五晚8:45直播）
高圖爾斯復出 車仔夫添應戰

車路士作客不敵紐卡素，英超「不敗金身」被打爆之後極速反彈，連埋歐聯、聯賽盃，過去4場都順利贏波，完全冇受到輸波影響，「寸王」莫連奴功力認真深厚，而且近23次嘅倫敦打吡，車仔喺佢領軍之下未輸過之餘，仲贏足17場，睇個勢就知今場想輸都難。以「藍戰士」依家嘅陣容嚟睇，佢哋未必會增兵，仲有傳會將穆罕默德沙拿借去土超球隊比錫達斯。車路士上場有門神泰拔高圖爾斯復出，人腳十分齊整，可以最佳陣容應戰。
韋斯咸靠高空波搵食

另邊廂嘅「錘仔幫」，今季到現時為止都表現出色，依家仲排喺聯賽榜前列位置。不過，佢哋實力同板櫈深度始終唔及「藍戰士」，而且麥克盧保仲有傷在身，今場上陣成疑。相信佢哋今場會用安祖卡路爾同迪亞法沙高兩位長人攻堅，希望用高空波爆破車仔防線。不過，車路士近10場主場只係失咗4球，「錘仔幫」獨沽一味嘅打法未必可以咁易得到甜頭喎。