士砵亭出細路打甘馬雷斯

猪拉多纳

葡萄牙聯賽盃第3圈賽事今晚上演，由甘馬雷斯主場對士砵亭，可以揀入球細。兩隊近年碰頭，好少大手交易出現，而且士砵亭射手施利文尼掛住轉會，睇落冇晒心機比賽，踏入12月後已經冇入過波，咁搞法玩入球細最好。

（開賽時間：周二凌晨4:45）
甘馬雷斯近3場冇入波

雙方近5次交手，先後有4次開出入球細，唯一例外係今季首循環聯賽，甘馬雷斯喺主場以3:0砌低士砵亭。不過咁喎，最近甘馬雷斯狀態回落，成班攻擊球員好似遊魂咁款，已經連續3場冇波入，早兩日仲放假索性抖吓，今場係咪咁容易入波，真係好難講。
士砵亭會長下令試新人

另一方面，士砵亭最近走勢唔算曳，只不過射手施利文尼傳出被韋斯咸睇中後，明顯唔能夠集中精神比賽，期間衰到1球都入唔到。最慘嘅係，韋斯咸似乎連800萬鎊轉會費都唔願畀，交易好難成事，肯定會進一步打擊施利文尼嘅作戰心情，而且士砵亭會長卡華奧落咗命令要磨練新人，今場會有幾件B隊小將落場戥腳，例如年輕中堅杜比亞斯，咁嘅格局，玩入球細啦！