西維爾主場(o趙)埋切爾達

猪拉多纳

西甲重開嘅另一場賽事，由西維爾喺主場對切爾達。西維爾歇冬前嘅表現已經唔錯，加上球隊今季喺主場未輸過波，面對作客腳軟且飽受球員傷停問題困擾嘅切爾達，相信有力喺主場打響2015年頭炮，主W屬不二之選，進取可捧埋讓球主勝。

（now 632及TVB 13周日凌晨1時直播）

西維爾自踏入十二月後走勢凌厲，近五仗錄得四勝一和嘅成績，球隊今季主場出擊更未嘗一敗，表現甚有保證。西維爾今仗雖有中場基斯度科路及後衞泰莫連拿斯因傷上陣成疑，但前線攻擊組合好似卡路士巴卡、丹尼斯蘇亞雷斯及迪路菲奧皆能上陣，呢個攻擊組合喺早前賽事頻頻有波入，今仗有望攻破對手大門。

切爾達近況就認真麻麻，球隊近七仗只係贏過一場，而且作客已經四連敗。切爾達近期入球能力平平，對上六場西甲竟然一球都入唔到，今仗除咗有中場奧古士圖費南迪斯同前鋒洛尼圖累積滿黃牌要停賽外，前鋒查里斯及中場奧賓拿亦因傷上陣成疑，陣容天殘地缺下相信難有作為。阿謙睇好西維爾主場可輕鬆打響2015年頭炮，進取嘅可以捧埋讓球主勝。