皇馬半場夠(o趙)華倫

猪拉多纳

暢遊杜拜叉足電

皇家馬德里「杜拜之旅」叉足電，今晚西甲作客華倫西亞又係搏殺時候。皇馬正式賽事連贏22場，球隊載譽歸來，今仗首次以世冠盃盟主身份出戰聯賽，勢必繼續數胡。而且「銀河艦隊」近12次鬥華倫西亞獲8勝4和，擺明食住對手，相信半場已可領先，如嫌客W1.4倍回報低，可博1.85倍半場客勝。

（now 632周一凌晨零時直播）

皇馬贏到唔識停，西甲、西班牙盃、歐聯、世冠盃4條戰線直落贏足22場。最犀利係近13場勝仗，都係上半場領先，可見一般對手遇上C朗、加里夫巴利、賓施馬等巨星，連45分鐘都抵擋唔住。
對賽往績華倫輸到慌

雖然話皇馬喺「杜拜之旅」熱身賽輸畀AC米蘭，但要留意呢場波教練安察洛堤以大部分副選擔正，C朗亦只係踢咗半場，根本純粹去當地賺戲金同放鬆吓，賽果不足為據。事實上，C朗近日不斷喺社交網上戴「玩轉」杜拜相片，球隊把握歇冬抖一抖，正好消除之前頻密賽程嘅疲勞。由於皇馬將於周中西班牙盃16強首回合作客馬體會，相信今仗會速戰速決，盡快取得領先優勢，以免打窒道氣。

華倫西亞話就話位居前列，但比皇馬少8分兼踢多1場，充分反映雙方級數差距，講往績華倫同樣畀皇馬恰死，近12次對「銀河艦隊」都未贏過，只錄得4和8負，最令佢哋洩氣係近5次西甲主場對皇馬，竟然輸晒，共失20球，當中4次半場落後，真係輸到心慌，睇怕今仗半場又要束手就擒。