鴨巴甸做一哥歎細界

猪拉多纳

今晚蘇超有免費波睇，榜首鴨巴甸作客馬瑟韋爾，講開鴨巴甸，前曼聯傳奇領隊費格遜執教魔紅之前，曾喺80年代率領鴨巴甸稱霸蘇格蘭頂級聯賽，但佢離隊後鴨巴甸逐漸步向衰落。依家難得排緊榜首當然想再嘗奪冠滋味，戰意毋庸置疑，不過遇着穩守嘅馬瑟韋爾，隨時小勝而回，客W冇肉食改捧1.82倍細盤！

（亞視國際台周日晚11時30分直播）

馬瑟韋爾早前換帥，新教頭巴拉哥洛夫上任後即錄得兩連勝，兩場都冇失波，點知上場作客咸美頓遭大炒5蛋，吸取教訓今場面對實力更強嘅鴨巴甸，巴拉哥洛夫應會要求班球員做好防守，費事又大敗一場。

鴨巴甸錄得5連勝夠晒弗，但當中有4場都係小勝一至兩球，已經連開四口細，擺明靠超強防守搵食，今場更有後衞沙林洛根傷愈復出，後防兵源充足，隨時又會入咗一至兩球後見好就收，1.82倍細盤啱數！