光輝主場大報復

猪拉多纳

遇澳足盃仇家阿德

澳職繼續開快車，榜首嘅珀斯光輝今日會喺主場迎戰阿德萊德聯。光輝近期表現理想，球隊要保住「一哥」位加上報番澳足盃落敗之仇，今仗自然會力爭勝利。而阿德萊德聯今仗亦有多名主力復出，球隊有望回復過去嘅主攻踢法，作客都唔會刻意死守，阿謙睇好今仗入波唔會少，捧大盤。

（有線64及203台周一下午5時30分直播）

光輝上周中作客以2比1擊敗墨爾本勝利，繼續喺積分榜領先，球隊要保住「一哥」位，今仗自然會繼續爭取勝利。光輝今季聯賽主場6戰全勝，可見呢班波喺自己地頭發揮甚佳，加上今仗對手係早前喺澳足盃決賽擊敗佢哋嘅阿德萊德聯，球員自然以復仇為目標，今仗相信會踢得分外積極。
阿德中後場傷疲盡起

阿德萊德聯上仗因多名主力缺陣，所以喺主場以1比3不敵威靈頓鳳凰。不過，阿德萊德聯今仗有兩大後防主力泰歷艾列治及保加特回歸，而中場卡路斯卡及奧沙麥馬歷亦大有可能復出，相信會令球隊回復以往嘅進攻踢法。而且阿德萊德聯今季曾兩度擊敗光輝，心理上始終佔有優勢，今仗就算作客出戰都唔會踢得保守，阿謙估計今場入波唔會少，推介入球大。