巴塞「讓客」爾逸代勞

猪拉多纳

內訌拆掂晒重新上路

巴塞前排爆出內訌疑雲，但隨住佢哋連贏兩場，加上尼馬同美斯親自解畫，相信內部問題已經拆掂晒。聽朝佢哋喺西班牙盃16強次回合作客艾爾切，食住首回合大炒5:0優勢，肯定繼續贏波谷勁啲個勢，1.56倍「讓客」唔好錯過。

（now635、668台及TVB13周五清晨5:00直播）
艾爾切專心護級 落後5球無謂搏

巴塞近期是非多多，甚至傳出「球王」美斯逼會方踢走主帥安歷基嘅消息。但隨住巴塞連贏艾爾切同馬體會後，尼馬都話「巴塞已經重新團結」，美斯亦出面澄清呢啲謠言全屬流料，睇怕「地上最強」經已化解紛爭重新上路。其實呢班球星都好清楚，想呢啲傳聞不攻自破，最簡單直接嘅方法就係Keep住贏波。以「MSN」組合近期愈夾愈好嘅Fit爆狀態，想炒多場又有幾難？

相反艾爾切首回合狂吞5蛋，基本上同出咗局冇咩分別，仲邊會嘥心機喺呢場例行公事吖！

更何況佢哋依家喺聯賽排第19，護級形勢危危乎，下仗主場鬥尾三嘅利雲特可謂不容有失，今場戰意肯定仲曳過「咧」住5球嘅巴塞，後者就算收起部分主力都夠殺，贏兩粒開個「讓客」冇難度啦！

首回合：艾客負0:5