維拉利爾「畢」勝無歸

猪拉多纳

維拉利爾歇冬前走勢強勁，12月連盃賽7場波全部贏晒，新一年表現雖然有啲回落，過去4場只係1勝3和，不過總算保持不敗。今晚佢哋喺主場迎戰畢爾包，後者喺2015年起步勁曳，今戰作客唔慌有運行，一於捧1.48倍嘅主W！

（now632台及TVB13周日凌晨3:00直播）

「黃色潛艇」入到12月就超級醒神，雖然對手只係得馬德里體育會一支「硬嘢」，但係要成個月都贏波一啲都唔易，聯賽4戰全勝仲令教練馬些連奴得到西甲12月最佳教練獎添！雖然維拉利爾歇冬後表現有啲回落迹象，但相信經過幾場熱身後應可重返正軌。

相反，畢爾包今季差強人意，無復上季勇奪第4之勇，踏入新一年踢咗4場，輸咗成3仗，今戰作客下想攞分真係有啲難度。