嘉年華試閘馬要留神

不死鸟

話都冇咁快，本星期六已經是試閘嘉年華，一向以來嘉年華都好多?玩，而且更是小朋友名正言順入馬場睇跑馬的日子，今年也不例外，依然有攤位遊戲、馬房導賞團、與雪特蘭小馬拍照等，當然馬會為了推廣馬術也不遺餘力，嘉年華中有馬匹跳欄表演及趣緻馬術展館，希望藉此加強這方面的訊息。
當然，重頭戲必定落在6點鐘開始的馬匹試閘，近年嘉年華試閘其實可說是季初落注的重要指標，因為不少有心想在開鑼頭幾次賽事出擊的馬匹，都選擇在今次試閘磨利把刀，作為上陣前最後的檢閱。這幾年來方嘉柏馬房在嘉年華報名馬最為積極，差不多次次都有十幾匹馬報名，而且不少都有好走勢，故此今季方?報名試閘的馬匹，值得多加留意。另外要留意的嘉年華試閘馬，就是去季毫無表現的馬匹，今季會否突然有脫胎換骨的表現。上年最佳例子就是在第3組試閘取勝的「得寶飛駒」，當然此駒要轉投霍利時馬房後才取得佳績，但這類首季毫無表現馬匹，翌季季初居然有如此表現，相信來季大多都要多加盯緊。當然試閘也是首次睇新騎師表現的日子，今季有卓利首度在港策騎，究竟功架如何，當日可以作初步印象了。