贊比亞天殘地缺 突尼西亞趁機搶Ｗ

猪拉多纳

非國盃B組形勢混亂，四支球隊打完第一場各得一分，今晚出線大熱突尼西亞面對住陣容不整嘅贊比亞，係搶分大好機會，突尼西亞讓平半，上盤博得過。

（周五凌晨零時開賽）

贊比亞上場對剛果民主共和國唔輸有運，雖然入波先，但其實全場畀對手住嚟踢，最尾執番一分勁好彩，不過贊比亞今場對住實力更高嘅突尼西亞好難全身而退，贊比亞唔單止有隊長卡東高因為同主帥贊沙不和而未有入選大軍名單、後衞梅倫加遇車禍未能歸隊，上場仲有捷森巴隆古同辛卡拉兩位中場受傷，今場上陣成疑。贊比亞陣容天殘地缺，突尼西亞唔贏等幾時？突軍陣中有多位喺法甲搵食嘅球員，例如中場卡斯里、沙希，今場只要發揮正常上盤穩開。

同組另一場就由佛得角對剛果民主共和國，佛得角教頭阿古亞斯話上場理應擊敗突尼亞西，下令球員今場一定要全取3分，不過剛果民主共和國都唔係魚腩部隊，今場同樣要為出線搏命，大盤值捧。

（周五凌晨3時開賽）
科特迪瓦謝雲奴打人

至於名牌球隊科特迪瓦尋日凌晨只能喺D組同畿內亞打和1比1，「大象兵團」半場竟然落後一粒，換邊後更有謝雲奴發茅打人，被罰紅牌出場，好彩最尾都憑住杜姆比亞嘅入球追平。而同組另一場，馬里跟喀麥隆同樣踢成1比1。