卡迪夫城唔使讓波冇搵丁

猪拉多纳

Peter一向熱愛足球，深明青訓嘅重要性，因此尋日特登走去青衣東北球場，欣賞兩間母會青年軍進行嘅榜首大戰，就係由荃灣U16火併南華U16，因為以依家本地青年軍嘅水平嚟講，呢兩班應該係最好，筆者希望藉此喺當中發掘一些未來之星，集多名同齡港代表隊精英嘅「少林寺」，最終狂數荃灣U16六蛋，獨佔榜首，只要嚟緊賽事唔輕敵，奪冠機會高唱入雲。

講番今晚英格蘭足總盃第4圈，英超列強均抽到好籤，出戰較低組別球隊，好似車路士對巴拉福特、曼城對米杜士堡，預計佢哋可以輕鬆過關。

既然上述比賽個個都識買，又熱又乏味，Peter就推介其他足總盃賽事，包括全英冠對碰嘅卡迪夫城主場硬撼雷丁，「卡城」坐擁地利兼唔使讓波，相當着數，平手盤非常抵玩。
打比郡主勝做變倍器

至於英冠四哥打比郡主場對甲組仔車士打菲特，用打比郡主勝嚟做變倍器，可謂Sure Win。最後，同為英冠球隊嘅布力般流浪越級挑戰，主場對英超分子「天鵝」史雲斯，「天鵝」要讓平半唔多划算，揀番布力般好過。
金句：塵歸塵土歸土，足總盃列強抽得好