安競外地用得盡

不死鸟

到目前為止，在英愛的Captain Rio子嗣最叻兩匹勝出三級賽，其一正是來港評91分的「安競」；此馬於原產地愛爾蘭上陣11次，兩歲一出即贏1200米，翌仗於1491米表列賽跑第三，敗給「朝東飛駒」和「睡得好」，繼後4仗皆落敗，踏入3歲跑5場得1冠1亞2季1殿，期間勝出1400米三級賽Tetrarch Stakes，又在兩項表列賽得季軍，其中一次再輸畀「朝東飛駒」，始終嫌牠來港前用得太盡，加上未能適應水土，跑過6次全敗，暑期減至68分，都係等有實則表現後才留意吧！
而性能方面，外地主攻1400、1600米，曾在上山落坡的高威馬場跑得好，不排除谷草是其主場。
同系另一匹自購馬「彩旗飄飄」，響英國3個月內跑了8場，取得1冠2亞1季，頭馬是來港前的一場處女賽，只在三、四線南圍馬場的膠沙地賽事，憑較佳作戰經驗，大勝比牠更不堪的對手，來港評3班65分根本在坐馬監，上季3戰皆大敗，換來暑期大幅減分至53分，落到4班也不敢肯定有競爭力，簡單來講係棄不足惜之馬。

少基