齊歡唱一出就捧

不死鸟

賀賢上季只贏得27場頭馬，比起前季少贏13W，主要係?內質新馬進度未足，直接影響成績，今季馬房養馬量只要保持50匹以上，而且質新馬進度一納入正軌，再配合有柏寶這位一級好手幫助，絕對有資格突破上季頭馬數字。今季復課以來，賀?馬一直勤加砥礪，其中四班質新馬「齊歡唱」進度尤其突出，相信季內首度上陣已能大派用場。
「齊歡唱」購自去年12月香港馬匹拍賣會，身價高達300萬，與「貝多芬」及「齊歌頌」同主，上季尾兩試泥地1050米閘，首次試閘走勢平平無奇居後跟跑，但第二次試卻有煥然一新走勢，起步搶出後直領到底，大勝對手一條街鏡頭令人歷歷在目，然而當時馬季已近尾聲請纓無路，馬房惟有疊埋心水待今季上陣。8月中柏寶復課後已見重跨馬背一試再試，上周六嘉年華草地大閘又再一放絕塵，大勝對手而回，質新馬如此明刀明槍做工夫，肯定離出擊之期不遠，一出就要吼實，若然首仗角逐泥地短途賽事，更加不可錯過呢。