開心風采密切留意

不死鸟

昨日已公布今周日開鑼戰正選報名馬，但因距離開鑼戰還有多日，周日有機會參戰馬遲多兩日才推介給馬友參考，而今次仍談回上周六嘉年華試草閘?勇馬，該晚?第三組勝出的「開心風采」有留意必要，此駒該役由柏寶主試，排11檔出閘唔夠快，柏寶亦不急將牠推上前，反而刻意留後找遮檔，而馬兒亦從容不迫跟隨前領馬，到600米處時已逐步上前，到400米處已見牠在中檔如飛殺上透出，繼而以勁勢直趨終點，全程走勢姿態討好譽滿欄邊，狀態勇銳表露無遺，現時有咁弗?勇態，確係有存記必要。
「開心風采」上季於6月10日在谷草1200米由楊明綸操刀勝出，睇回該役牠排不利11檔，出閘亦係刻意留後，但跑順後加速力增強，轉彎入正直路後，才見楊明綸移出外疊，馬兒一望空後，即交出強烈追勁，以勁勢連越數駒直奔終點，以一又四份一馬位輕取對手贏來大把在手，尾段更締出22.45全組馬最快時間，正宗短途後上馬顯出實力指標。
「開心風采」開鑼戰不見練者方嘉柏報名參戰，可能他認為牠爭谷草1200米較有勝機，而此駒至今取得冠亞各1都係在谷草1200米，顯見谷草此程是其強項，若然見牠下次報爭谷草二班1200米的話，屆時記得捧場。