伊拉克阿聯酋細盤Encore

猪拉多纳

亞洲盃季軍戰將由伊拉克與阿聯酋交鋒，兩軍喺四強戰輸波嗰場畀人感覺係攻力唔算太強，落後下更顯反撲無力，加上雙方近五次交手皆開出細盤，阿King認為今仗入波唔會多，捧細盤。

（now 671周五下午5時直播）

伊拉克與阿聯酋喺四強戰同樣以0比2分別不敵南韓及澳洲而被淘汰，只能於今日踢季軍戰；兩隊喺四強戰落後下顯得毫無還擊之力，球隊攻力其實麻麻。實力較高嘅阿聯酋盛傳今仗會派出副選球員上陣吸收經驗，要喺有中場耶沙卡斯米復出嘅伊拉克身上取得入球，相信唔係易事；再加上雙方近五次對碰都係開出入球細，今仗入波隨時係一球起兩球止，阿King一於捧細盤。

法甲巴黎聖日耳門愈戰愈勇，連盃賽已連贏三場，今仗面對兵微將寡且疲態畢露嘅雷恩，主場有望大勝一仗追近榜首球隊。（TVB 302周六凌晨3時30分直播）。

至於英冠屈福特上仗落後兩球下狂轟七球反勝，球員大氣大振作客面對狀態下滑嘅般尼茅夫有望全身而退，捧讓球客勝。

（TVB 301周六凌晨3時45分直播）