阿積士死火難「克」敵

猪拉多纳

射手史基賀臣膝傷

今晚荷甲有場大戰開打，由「二哥」阿積士主場迎戰前列分子阿爾克馬爾。阿積士近兩場贏唔到對手，搞到喺聯賽畀榜首嘅燕豪芬拋離12分之多，更弊嘅係，佢哋嘅當家射手史基賀臣受傷，火力大減，想贏波反彈恐怕有心無力，殘陣出擊一於撐2.52倍嘅「讓客」仲好！

（now670台周五凌晨3:45直播）
阿爾克馬爾有本錢搶分

力爭蟬聯荷甲冠軍嘅阿積士進攻啞火，近兩場都冇波入，上場輸埋畀中游球隊維迪斯之後，已經進一步被燕豪芬拋離，衞冕情況變得唔多樂觀。今季聯賽有5球進帳嘅史基賀臣，因為膝傷無法披甲，況且主力射手米利克季初威咗一排之後，自12月中就陷入入球荒，今仗要靠翼鋒舒奧尼同卡拉臣兩位中前場主力搵食，爭取士哥。

另邊廂，阿爾克馬爾喺20輪聯賽失咗27球，後防太多漏洞會成為今場一大隱憂，好在對手近況麻麻，靠踢團體戰嘅佢哋，相信有能力摸和拎1分。雙方過去6次喺阿積士主場對賽都有3球以上交易，不妨喺任何一方先開紀錄之後，睇準時機「走地」嗰陣玩入球大。