聖伊天抖夠遇朗斯起筷

猪拉多纳

阿King今日將重心放在法甲獨腳戲直播，聖伊天主場鬥朗斯，聖伊天早前因要兼顧三條戰線導致成績下滑，難得佢哋過去周中冇比賽，養精蓄銳之下，主場面對實力差一皮嘅朗斯係時候反彈，2.48倍讓球主勝可捧。

（TVB301周六凌晨3時30分直播）

聖伊天早前要出戰聯賽、法足盃及法聯盃三項賽事，由歇冬後起計，佢哋至今已經踢咗七場比賽，平均大約每隔四日就要踢一場，對球員體力要求極大，加上部分主力如中場麥斯格拉度、伊斯美迪奧文迪及後防費倫丁普巴早前離隊參戰非國盃，戰績下滑可以理解。聖伊天早前喺法聯盃8強被淘汰，所以剛過去周中冇比賽進行，經過一周休養生息，預計今周表現可以回復生氣。

朗斯現排聯賽榜尾二，有幾多斤両大家心中有數，而且佢哋對上五場作客不勝之餘，當中有四場都未能取得入球，難有反撲之力，聖伊天1.42倍主W固然可取，如果想求好分頭，可博讓球主勝。
奧厄失射手捧萊比錫

另外兩關賽事，德乙歇冬完畢正式重開，包尾大幡奧厄有射手索羅門奧高朗禾離隊，相反對手RB萊比錫簽入馬模前鋒科斯貝治，實力此消彼長，捧RB萊比錫客W。最後南美超級盃決賽首回合，呢項比賽等同歐洲超級盃，由應屆南美自由盃冠軍聖羅倫素鬥南美球會盃盟主河床，兩者皆來自阿根廷，彼此已經熟晒路，聖羅倫素首回合有力保不敗，敲讓球客勝。