方嘉柏主場派紅錢

不死鸟

上季冠軍練馬師方嘉柏於開鑼日食白果，而最慘就係有多駒上名，包括「鋼寶」、「叻百利」、「喜盛龍」等，而尾場的「喜盛龍」以勁勢衝刺，可惜埋門一步依然追不到，只能以短距離見負得第三名，方仔接馬時面無表情，更有點不忿的神色，可知他對此駒飲恨不是味兒。
雖然今季方嘉柏未能承接傳統在開鑼日打響頭炮，但今次快活谷首戰，這是其主場，相信要贏馬開齋絕無問題。上季方嘉柏在快活谷勝出31場頭馬之多，是眾練馬師在谷草成績最好一位，因此他堪稱是新一代「谷草王」，所以是次谷草第一戰當然要睇實方?馬。
今次方家軍派出5駒上陣，其中列陣第六場的「紅封包」一定要留意。「紅」系馬近年一直支持方嘉柏，而方仔亦不負所望幫此系馬贏了不少頭馬，如「紅跑車」、「紅皮柚」等，而今次的「紅封包」當然亦是揀手貨，不過此駒來港後腳部有問題，因此上季未曾出賽，而今季腳傷已康復，在早前試1000米大閘走勢譽滿欄邊，初出跑谷草1200米應有力一出即勝。