奧馬精神有心唔怕遲

不死鸟

由香港馬主崔寶榮先生擁有的「海都巨星」（Sea The Stars），在歐洲馬壇紅透半邊天，成為全球國際評分最高的一駒，大家有所不知，崔先生亦係前英愛打�瞎谲姟柑煳膶W家」（Galileo）其中一位育馬人，自02年起擔任種馬，至少已有10匹子嗣揚威一級賽，大部份在歐洲產生，成績顯然叻過南半球出產的，目前在港的「天文學家」子嗣共11匹，除?兩匹新到L布來自英愛，其餘全屬澳紐馬，當中「年年如意」、「金像太子」和「奧馬精神」屬5班份子，可幸前兩駒上季贏過算係有用，而「奧馬精神」雖則話係蔡約翰馬房最低分的一駒，但勝在後生無傷無病，今季響5班斷不會一事無成。
「奧馬精神」話就話來自澳洲，但老豆「天文學家」與母系都係愛爾蘭馬，所以上季來港11戰全負，好可能同遲熟有關，隨時似同父「金像太子」5歲至有成績。
睇開鑼日「駕寶」贏馬，「愛睦善」跑第二，就知姚本輝手上一棚4班馬係先頭部隊，今晚「百勝恆輝」和「得令先鋒」出埋王牌，來意不善也。