黑貓唔識攻難啃QPR

猪拉多纳

日前英超各支勁旅齊齊撻Q，如果阿仙奴、利物浦、曼聯失分係因對手不弱的話，曼城去到尾段先逼和侯城，以及車仔贏波輸盤，就真係冇得原諒。其實有一場大家冇咁留意嘅賽事，就係史雲斯主場對新特蘭，雖然前者要讓到半一咁辣，但喺散戶不斷買新特蘭嘅情況下，莊家依然冇轉盤都算硬淨，嗰班大戶決定重錘出擊撐「天鵝」，點知呢班波臨場踢落唔多對路，落後一粒嗰陣又谷極都谷唔起，最終逼和「黑貓」算執番身彩，不過跣到大戶們攤攤腰，證明佢哋都有失手時。
6分波 侯城有力發維

講番今晚重心推介，就係英超新特蘭主場硬撼昆士柏流浪（QPR），今次輪到「黑貓」要讓到半一兼高水，與日前史雲斯嘅情況如出一轍，儘管QPR對修咸頓臨尾香輸波，但成班球員表現非常搏命，新特蘭打下風波就醒，佢哋攻力麻麻不擅主攻，遇上QPR頑抗未必咬得入，吸取過上仗教訓後，肥叔寧願捧番QPR。

至於侯城主場火併阿士東維拉，「老虎」為護級不容有失，上仗作客摸和勁旅曼城，其大無畏精神有辦你睇，面對同級兼護級勁敵維拉，呢場「6分波」可謂志在必得，小讓平半值得捧場。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！