美斯2015「大」爆發 巴塞上齊彈藥轟「潛艇」

猪拉多纳

踏入2015年美斯全面爆發，計埋上輪聯賽鬥畢爾包，呢位巴塞「球王」今年10戰已經喪入9球。今晚由佢夥拍尼馬攻堅，主場恭候同樣有「最佳拍檔」韋圖、卓利舒夫孭飛嘅「黃色潛艇」維拉利爾，呢場西盃4強首回合大戰肯定係大手交易，中位數係3.5球嘅1.95倍大梗要捧啦！

（now632台及TVB13周四凌晨3:00直播）
哨牙蘇有傷柏度頂上

巴塞上輪聯賽以5:2痛宰畢爾包，「MSN」組合各隊一粒，表現肯定係今季最合拍嘅一次。雖然蘇亞雷斯喺比賽末段「中招」，今仗好可能由柏度洛迪古斯頂佢個位，不過兩大「南美天王」美斯同尼馬2015年已經合力轟入18球，加埋上場聯賽休戰嘅恩尼斯達復任正選，邊使愁冇波入吖！

火力係就係強嘞，但巴塞1.14倍主W熱到冇肉食，「-2」嘅「讓主」又狠得滯，盲目捧巴塞唔太明智。況且維拉利爾最近8次主場全勝，巴塞為免夜長夢多，首回合先喺魯營出擊必定盡量入波。況且「地上最強」條防線唔算可靠，近3仗失咗6球，前一場聯賽險勝維拉利爾3:2，就正正係碧基孭鑊累失波，焗攻隨時益晒弗爆射手韋圖同西甲2號助攻王卓利舒夫，都係捧個大穩陣。