阿爾克馬爾大起燕豪芬

猪拉多纳

今晚荷甲獨腳戲直播，阿爾克馬爾（AZ）主場鬥燕豪芬（PSV）。兩軍近況弗到漏，現於射手榜領先嘅PSV前鋒迪比將會單挑AZ嘅進攻鐵三角組合，難得大細中位數冇調高維持喺2.5球，1.54倍大盤係首選。PSV下周要應付歐霸盃32強首回合，五五波作客讓唔起對手，求好分頭博埋讓球主勝。

（now 670周六凌晨3時直播）

兩軍可以講係荷甲歇冬後狀態最弗嘅球隊，PSV聯賽五戰全勝，AZ則四勝一和，包括作客擊敗另一勁旅阿積士，說服力十足。AZ進攻鐵三角艾朗祖漢臣、貝侯斯及馬古斯軒歷臣愈踢愈有默契，對上三場聯賽三人加埋入咗七球，令對手後衞唔知Mark邊個好。PSV近期就靠迪比單天保至尊，呢名盛傳被曼聯領隊尹戈爾睇中嘅國家隊新貴喺近四場聯賽個人攻入五球，現以十五球領先射手榜。兩軍攻力都咁強，預計今場會有唔少入球出現，1.54倍大盤必揀。如果嫌賠率太低，可捧AZ讓球主勝，始終PSV有歐霸盃後顧，而且彼此實力、狀態半斤八両，客場出擊難有必勝把握，讓波唔抵玩。

馬賽主場惡嗒蘭斯

另外兩關賽事，法甲馬賽主場鬥蘭斯。馬賽主場十一連勝，繼續保持主強客弱走勢，今次主場出擊又係時候捧場，捧讓球主勝。（TVB 302周六凌晨3時30分直播）最後葡超波圖主場迎戰甘馬雷斯，雖然波圖下周歐聯要作客巴素利，但計實力始終比甘馬雷斯勝一籌，波圖對上五次主場贏波都能淨勝兩球或以上，捧讓球主勝。