競賽會開「羅」戰有暗湧

猪拉多纳

阿甲今季改制增加到30隊夠晒熱鬧，力求衞冕冠軍嘅競賽會聽朝喺主場對羅沙里奧中央，讓半一有暗湧，事關競賽會教練迪亞高高卡都認未簽到心水射手，何況羅沙里奧中央大換血打亂章，對手難捉路隨時爆得出！

（開賽時間：周六早上8:10）
羅沙里奧中央 季前大換血打亂章

雖然競賽會放走加比侯治、阿祖安辛杜利安後，總算有卡羅美路同華盛頓卡馬曹加盟補充火力，不過教練迪亞高高卡都認簽唔到辛迪亞高施華，打亂晒佢組軍計劃，原因係佢一直都恨有殺傷力強嘅中鋒加盟，加上中場米列奴今戰停賽，組軍未完成隨時被打窒道氣。

羅沙里奧中央由新帥伊度亞度古迪治領軍，季前大換血賣走唔少人之餘，亦有好多新兵加盟，包括有蒙特雷翼鋒施薩迪加度來投，重新洗牌令對手競賽會好難作出針對性部署，就算中場捷西斯法亞特坐波監，同埋有幾件傷兵唔齊腳，受讓半一下盤都值博。