(六)6 西布朗 Vs 韋斯咸

猪拉多纳

英超周中開完快車，嚟到周末又有英足盃第5圈賽事，今晚早場就有西布朗主場對韋斯咸，「錘仔幫」上場聯賽雖然成功同修咸頓打和0比0，不過就有「玻璃腳」安祖卡路爾整傷膝蓋，正選門將阿祖安卡斯迪路又被逐離場，今場都唔使預佢兩個。以韋斯咸領隊艾拿戴斯嘅作風，今場既係一場過嘅比賽，又係作客，班球員搏完更未回氣，「大SAM」點敢同西布朗鬥攻呀？梗係死守保住不敗先喇！「錘仔幫」已經連續6場開出半場和，今場唔係唔追呀？

（now 621及633周六晚8時45分直播）