維拉無心戀戰 李城平手值捧

猪拉多纳

兩支英超護級球隊阿士東維拉同李斯特城今晚將戰場轉到英足盃16強，維拉昨晚正式宣布搵咗舒活做新領隊救亡，不過球隊依家抱乜嘢心態踢盃賽真係好難講。李斯特城勝在後備兵源夠，而且入球能力亦較佳，平手盤可捧李斯特城。

（now 621及633周日晚8時30分直播）

維拉今季攻力超弱，24場聯賽只入12球，平均兩場先入一粒，領隊林拔之前仲唔怕羞話希望球隊下半季可以踢出巴塞式嘅進攻足球，咁不自量力自然冇下好場，林拔上場淨吞護級對手侯城兩蛋後正式被炒。
舒活接受維拉新主帥

前車路士領隊、現任加納主帥格蘭聲稱日前婉拒咗維拉忠心粉絲威廉王子提出嘅執教要求，前英格蘭國腳蘇甘保喺另一邊廂又透露自己有興趣接手。結果最終帥位由前熱刺領隊舒活接手，但佢上任後目標究竟係全力爭盃抑或留力護級真係未知數。

李斯特城作客兩連敗，但表現唔失禮，而且能喺阿仙奴、曼聯身上取得入球已經有晒交代，陣中除有新加盟嘅克羅地亞前鋒卡拉馬歷、荷西烏路亞外，曾經入選英格蘭國家隊嘅紐根特都有一定卡士。李斯特城對上兩圈先後淘汰紐卡素同熱刺，比起維拉擊敗黑池同般尼茅夫兩支英冠隊更具說服力，平手盤捧客軍。