愛睦善潘頓表演

不死鸟

姚?鎮倉寶「蓮華生輝」蹄甲毛病復發後，未能繼續其日本遠征之行，不過這未有影響姚本輝的心情，近日他依然積極督操，而他表示這匹短途王情況不是太嚴重，相信有充足的時間給牠治療，應可盡快康復過來，並希望趕及出戰國際賽香港短途錦標。
講回今晚谷草夜賽，輝哥只出馬兩匹，不過佢就笑笑口同密探講，戰馬貴精不貴多，識贏馬就得啦！似乎輝哥今晚心中有馬。今期姚?「愛睦善」（下圖）實力當然不用懷疑，此駒早前才於開鑼日出戰田草1600米，結果負於進步神速的「不言而喻」蹄下得亞軍，但牠亦已拋離第三名「常山鎮寶」兩個多馬位，證明馬匹本身水準亦不錯，上場只是敗於對手太強而已。
今次此駒第二度出師谷草1650米，不用見習生減磅，找來大師傅潘頓壓陣，輝哥表明就是因為潘頓谷草表現特別醒神，而上周三谷戰這位澳洲騎師就贏馬起孖，所以可見今仗輝哥絕對唔係講笑，加上又排得黃金二檔起步，補中贏馬機會甚樂觀。