莫連奴棄英足盃有先見之明

猪拉多纳

歐聯16強今晚深夜揭開戰幔，今輪賽程比較特別，每周只打四場，即係話完成整個十六強需時四周，雖然好多人對呢種安排雞蛋裏挑骨頭，但觀眾每晚可專心欣賞兩場波，賽程冇咁頻密，亦讓球員有更多休息時間，又有何不好呢？講番今晚賽事，當然係兩支在分組賽以首名出線嘅客軍佔優，包括作客薩克達的拜仁慕尼黑，及作客巴黎聖日耳門的車路士，因為在首回合只要打和或取得作客入球，次回合返主場便較易應付，這是賽制的好處，給予在分組賽努力爭取首名球隊的着數。
上周末冇波踢體力佔優

筆者透過很多名帥如費格遜、莫連奴及NBA的積遜教練，獲得很多做人的啟示。叻人有先見之明係勝利者，失敗者往往只會馬後炮，車仔主帥莫連奴便有先見之明，佢深明聖日耳門不容易應付，寧願於足總盃早早出局，令球員上周末毋須比賽抖到夠，首回合作客聖日耳門喺體能上先佔到甜頭。莫連奴覺得集中火力爭聯賽及歐聯（註：聯賽盃已殺入決賽），好過四線作戰，因賽程太密令眾將疲於奔命，搞到得不償失。

好似《木馬屠城記》嘅Odysseus及三國時代蜀國軍師諸葛亮，諗計智破敵軍，上述名帥嘅啟示錄，令大家學會做人及應付難關之道。
金句：

Priceless無價的歐聯啟示錄