艾薩德靠穆里奇加菲迪食胡

猪拉多纳

亞冠盃東、西亞球隊分開進行外圍賽，各大西亞球會近年紛紛重金招攬球星加盟。卡塔爾勁旅艾薩德擁有皇室背景，財雄勢大，繼簽下前廣州恒大淘寶射手穆里奇後，今年又羅致前禾夫斯堡前鋒加菲迪，呢對巴西鋒線威力強大，今晚作客可狂轟阿聯酋球隊阿爾華達，捧客勝。

（周二晚11時10分開賽）

穆里奇兩年前助恒大捧亞冠盃，自己亦成為該屆神射手及最有價值球員，顯示超凡級數，艾薩德可以喺恒大手上搶走佢更唔簡單，會方早前仲簽下加菲迪，佢曾為禾夫斯堡捧09年德甲冠軍及神射手殊榮，一樣咁猛料，擺明要爭取超越上屆打入8強嘅成績。
艾查捷拉賓約哥大駁火

另一支值得留意嘅球隊係阿聯酋嘅艾查捷拉，因為陣中擁有前祖雲達斯前鋒胡仙歷，呢位黑山國腳來到亞洲簡直超班，為艾查捷拉上陣十四次已轟入十九球，難怪球會願意以600萬歐元收購佢，今晚作客烏茲別克球隊賓約哥，可望上演入球騷，捧大盤。

（周二晚8時開賽）