奧堡 利華「大」有前途

猪拉多纳

波巴迪拿 孫興民騷哥利

羊年快樂！阿占羊年第一次同各位讀者見面，梗係要介紹場好波畀大家，兩支志切爭入前四嘅德甲勁旅今晚碰頭，由奧格斯堡主場迎戰利華古遜。兩軍喺馬年最後一擊不約而同力戰輸波，不過就顯示出強大火力，以及有前無後、入波至上嘅決心，今晚睇怕又會係一場大手交易，一於玩1.8倍「入球大」過肥年啦！

（有線64及203周六晚10:30直播）
奧堡防線唔齊腳

奧堡條防線傷兵滿營，門將馬雲希斯同正選右閘華希亞治都養緊傷，近2場聯賽失5球一啲都唔奇，不過呢隊波勝在火力十足，尤其阿根廷射手波巴迪拿弗到漏，對上5場聯賽入4球，雖然上仗對不來梅受傷，不過有消息話佢已經復操，今場可以披甲上陣。最重要係奧格斯堡今季10仗主場聯賽，有8場攻入對手2球或以上，要入波話咁易啦！

有前冇後嘅情況同樣出現喺利華身上，佢哋上周同禾夫斯堡激戰輸4:5，可以話係今季德甲最精彩嘅賽事，上仗連中三元嘅南韓射手孫興民喺亞洲盃回歸後愈踢愈好，比拿拉比同傑斯寧亦有好強嘅入球能力，以利華嘅火力，真係足以攻陷任何一隊波，而且佢哋連輸2場後喺「搶四」大戰中已經處於下風，今場正面硬撼競爭對手當然想拎晒3分，球迷等睇好戲啦。仲有呀，今晚球彩台直播繼續有利是派，大家記得打上嚟Phone-In估波啦！
頂占筍盤：奧格斯堡（入球大）